Gjermania fillon dëbimin e afganëve

Gjermania fillon sot me dëbimin e refugjatëve nga Afganistani. Bëhet fjalë për refugjatë të cilët janë refuzuar për të marrë azil, njoftojnë mediat gjermane.

Sipas organizatës që kujdeset për refugjatët, qeveria gjermane, të mërkurën mbrëma nga Aeroporti Frankfurt planifikon fluturimin e parë çarter për në Afganistan, në të cilin duhet të gjenden 50 refugjatë të cilët nuk kishin asnjë të drejtë ligjore për të qëndruar në Gjermani, përcjell albinfo.ch.

Ministria e Brendshme e Gjermanisë refuzoi të konfirmojë lajmin, por më parë njoftoi se do të fillojë dëbimin.

“Dëbimet për në Afganistan rrezikojnë jetën e njerëzve. Për të dëbuar njerëzit në Kabul është e papërgjegjshme “, thotë organizata humanitare “Pro Asylum”, e cila vuri në dukje se në Afganistan është ende duke u luftuar.

Der Spiegel raporton që refugjatët ne dëbuar në Kabul duhet të vendosen në qendrat e paraburgimit.

Sipas Pro Azil kërkesa për azil kanë parashtruar rreth 30,000 afganë. Shumë prej tyre erdhën me valën e refugjatëve.

Ministri i Punëve të Brendshme të Gjermanisë. Thomas de Maiziere kishte paralajmëruar aksione të dëbimit të refugjatëve afganë, të cilët, ndryshe nga ata nga Siria nuk fitojnë automatikisht mbrojtje kundër dëbimit.