Gjermania fut pothuajse gjithë Evropën në “listë të zezë”

Vetëm një vend i vogël në Evropën Veriore do të mbetet ende “pa rreziqe” për Gjermaninë. Fjala është për Estoninë në Baltik, me 1.3 milion banorët e saj

Për shkak të rritjes dramatike të numrit të infeksioneve me koronavirus, Qeveria Gjermane ka klasifikuar tetë vende të tjera evropiane si Kroacia, Hungaria dhe Bullgaria si zona me rrezik nga e diela, shkruan srf.ch.

Austria dhe Italia janë pothuajse plotësisht në listën e rrezikut si dhe disa rajone në gjashtë vende të tjera të BE-së, njofton Instituti Robert Koch, transmeton albinfo.ch. Zvicra që nuk është anëtare e BE-së gjithashtu është shpallur zonë rreziku paraprakisht.

Prej 26 vendetve të BE-së, përveç Gjermanisë, 17 sosh që nga e diela do të preken plotësisht ndërsa 8 të tjera, pjesërisht, nga masat që merr Gjermania për të frenuar përhapjen e koronavirusit.

Pas gjithë këtyre masave mbrojtëse, vetëm një vend i vogël në Evropën Veriore do të mbetet ende “pa rreziqe” për Gjermaninë. Fjala është për Estoninë në Baltik, me 1.3 milion banorët e saj.

---