Gjermania i dhuron 164.4 milionë euro Shqipërisë

Shteti gjerman, do të jetë donator i madh i Shqipërisë, pasi vetëm dy vitet e ardhshme do të jap për Shqipërinë një donacion prej 164.4 milionë euro.

Ambasada Gjermane në Tiranë me anë të një njoftimi, ka treguar në lidhje me fondin i cili do t’i jepet Shqipërisë, ku synimi i gjithë donacionit do të jetë zhvillimi i ekonomisë, projektet e energjisë.

“Dje përfunduan me sukses Bisedimet Qeveritare mbi politikat për zhvillim midis Gjermanisë dhe Shqipërisë. Në fund të ditës u arrit një shifër rekord: Qeveria Federale i premton Republikës së Shqipërisë 168,4 milionë euro për vitet 2019-2020. Kjo e bën tani Gjermaninë me diferencë të madhe, donatorin më të madh bilateral. Mbështetja konsiston në projekte të përbashkëta në fushat e energjisë, ujit dhe kanalizimeve, menaxhimit të mbetjeve dhe zhvillimit ekonomik. Gjithashtu do të financohen edhe projekte rajonale si p.sh. ato të integrimit evropian, luftës kundër krimeve të rënda, ndotjes së detit dhe mbrojtjes nga përmbytjet”, thuhet në njoftimin e ambasadës.

I gjithë ky donacion u nënshkrua në mënyrë ceremoniale ceremoniale nga Ambasadorja Susanne Schütz dhe Ministri shqiptar i Financave dhe Ekonomisë i Shqipërisë, Arben Ahmetaj, përcjell albinfo.ch.

Ambasadorja Schütz deklaroi se “Shifrat rekord të premtimeve financiare janë dëshmi e rëndësisë së madhe që i jep Qeveria Federale mbështetjes së Shqipërisë në rrugën e saj drejt Bashkimit Evropian. Gjatë 30 viteve të fundit i kemi qendruar gjithmonë pranë Shqipërisë dhe do të mbetemi edhe në të ardhmen një partner i besueshëm“.