Gjermania i vë Serbisë kusht ‘të pamundur’ për anëtarësim në BE

Ambasadori gjerman në Serbi, Thomas Schieb, i ka dërguar një mesazh të qartë Serbisë, duke thënë se në qoftë se dëshiron të anëtarësohet në Bashkimin Evropian duhet të vendosë sanksione ndaj Rusisë.

Kjo, sipas mediave serbe, përcjell Telegrafi, do të thotë që BE-ja pret që Beogradi të harmonizojë politikën e saj me Brukselin dhe të vendosë sanksione ndaj Moskës, përcjell Albinfo.ch.

Ky kusht, shkruajnë tutje mediat serbe, ngrit pyetjen – a munden kërkesat e BE-së të pengojnë marrëdhëniet miqësore dhe të detyrojnë Serbinë të heqë dorë nga aleati i saj Vladimir Putin?

“Pajtueshmëria me politikën e jashtme dhe të sigurisë të BE-së është për shumë vende kandidate çështje e komplikuar dhe komplekse, dhe në rastin e Serbisë do të thotë nevoja për të miratuar sanksione kundër Rusisë”, citohet të ketë thënë Schieb.