Gjermania kërkon emigrantë të kualifikuar në shëndetësi

Gjermania ka nevojë për më shumë punonjës të kualifikuar në kujdesin për të moshuarit

Projekti në Offenbach synon të tërheqë emigrante për këtë profesion, duke përfshirë kursin e gjermanishtes dhe kujdestari intensive.

Aktualisht në Gjermani 2.4 milionë njerëz kanë nevojë për përkujdesje, sipas vlerësimeve në 2030, ky numër do të jetë 3.4 milionë njerëz.

Ekspertët presin që deri atëherë të nevojiten më shumë se 100.000 punëtorë të kualifikuar shtesë.

 Aktualisht sipas të dhënave të Zyrës Federale të Statistikave rreth 950.000 vetë punojnë në kujdesin për të moshuarit.

Emigrantet nuk kërkohen vetëm në Offenbach si fuqi e kualifikuar punëtore. Në të gjithë Gjermaninë ka projekte të tilla model, të cilat synojnë të tërheqin imigrantët në profesione në sektorin e shëndetësisë.

Një projekt i tillë është edhe “E ardhmja e kujdesit është me ngjyra”, një projekt i organizatës humanitare Caritas në Ipeshkvinë e Këlnit. Përgjegjësit e projektit kërkojnë para së gjithash në shkolla për fuqi të re punëtore.

Serena Cerra është koordinatore e projektit në qarkun Mettmann pranë Dyseldorfit. Ajo shpjegon përse kërkohen pikërisht emigrantët në sektorin e shëndetësisë.

 “Njerëzit që kanë nevojë për përkujdesje me kalimin e kohës po bëhen gjithnjë e më të përzier”.

Kjo do të thotë se në Gjermani jetojnë gjithnjë e më shumë të moshuar me rrënjë të huaja, për të cilët duhet ofruar përkujdesje në shtëpi apo azile për të moshuarit.

Pra nevojitet edhe fuqi punëtore e specializuar që i përgjigjet nevojave speciale të imigrantëve të moshuar apo që mund të flasë me ta në gjuhën e tyre.

Profesioni i kujdestarit për të moshuarit vërtet nuk është i lehtë, pranon “Cerra”, por që ka të bëj me një profesion që ofron shumë siguri për të ardhmen.”

Krahas gjuhës gjermane për shumë gra që marrin pjesë në projekt problem është edhe koordinimi i familjes me profesionin.