Gjermania ndihmon Shqipërinë edhe me 300 mijë euro

Ambasadorja e Gjermanisë në Shqipëri, Susanne Schütz, i ka dorëzuar Policisë Shqiptare të Kufirit në praninë e ministrit të Brendshëm, Lleshaj, pajisje në vlerën e 300.000 eurove.

Kjo ndihmë në pajisje, e cila përfshin 10 automjete të tipit fuoristradë, aparatura teknike të një cilësie të lartë, ndër të tjera kamera termike dhe aparate të shikimit natën, është pjesë e një angazhimi gjithëpërfshirës të Gjermanisë në Shqipëri në fushën e sigurisë së brendshme, përcjell albinfo.ch.

Krahas konsolidimit operativ e strategjik të Policisë së Kufirit, ne bashkëpunojmë ngushtë me partnerët shqiptarë në luftën kundër krimeve të rënda dhe krimit të organizuar.

“Pas dorëzimit të 35 automjeteve në vlerën e mbi 500.000 eurove dy vjetët e fundit Qeveria federale jep me ndihmën e sotme në pajisje një kontribut të mëtejshëm mjaft të rëndësishëm në konsolidimin e kontrollit të kufirit përmes policisë shqiptare të kufirit. Ky është njëkohësisht edhe një kontribut domethënës për sigurinë e kufijve në Evropë, duke qenë kështu në interesin e përbashkët shqiptar, gjerman dhe evropian”, ka thënë ambasadorja gjermane.