Gjermania refuzon 99.8% të kërkesave të shqiptarëve për azil

Presidenti i BAMF, Manfred Schmidt në tekstin e publikuar tërheq vërejtjen për mungesën e shanseve të shqiptarëve për tu njohur si refugjatë nga Gjermania

Pas videove “shokuese” të dedikuara azilkërkuesve nga Ballkani, me të cilat ata do të hiqnin dorë nga kërkimi i azilit ë Gjermani, autoritetet gjermane kanë futur në qarkullim edhe një mjet tjetër po për këtë qëllim, facebookun.

Zyra Federale për Migracion dhe Refugjatë (BAMF) ka publikuar sot në facebook paralajmërimet frikësuese për ata që ia mësyjnë kërkimit të azilit në Gjermani, shkruan dpa.de. Këto paralajmërime janë në gjuhën shqipe dhe atë serbe për t`i arritur azilkërkuesit “në tentativë” nga Kosova, Shqipëria, Serbia, Mali i Zi etj.

Presidenti i BAMF, Manfred Schmidt në tekstin e publikuar tërheq vërejtjen për mungesën e shanseve të shqiptarëve për tu njohur si refugjatë nga Gjermania, transmeton albinfo.ch.

Sipas tekstit në fjalë madje 99.8 për qind e refugjatëve nga Ballkani marrin përgjigje negative, gjegjësisht u refuzohet kërkesa për azil. Për më tepër ata duhet të llogarisin me një kthim shumë më të shpejtë në vendet e tyre. Ndërkohë në Gjermani po diskutohet edhe për shkurtimin e ndihmave për refugjatët nga Ballkani.
Tekstet e publikuara në facebook janë pjesë enje fushate që ka filluar ne qershor, kur autoritetet gjermanekishin publikuar në gazetat e Shqipërisë tekste të ngjashme demotivuese drejtuar kandidatëve për të ikur nga vendi hde për të kërkuar azil në Gjermani.