Gjilani eleminohet pas vazhdimeve

Skuadra e Gjilanit ka bërë një paraqitje të mirë, por në vazhdime ka pësuar dy gola

Gjilani eleminohet nga Liga e Evropës. Skuadra gjilanase është mundur nga APOEL-i i Qipros me rezultat 2:0.

Bardhekuqtë kanë zhvilluar një ndeshje shumë të mirë në stadiumin “Fadil Vokrri”, por APOEL me një gol në minutën e 102-të nga Efrem dhe Ndogala në minutën e 116-të ka kaluar në rrethin e dytë të Ligës së Evropës, shkruan albinfo.ch.

Mysafirët kanë humbur edhe një penallti në minutën e 78-të dhe kanë pasur disa raste shënimi.

Kjo ishte hera e parë që Gjilani luan në garat evropiane. Nga skuadrat shqiptare, Renova dhe Shkëndija janë kualifikuar tutje, ashtu si edhe Teuta e Shqipërisë, derisa është eleminuar Shkupi.

 

---