Gjirokastër, mbi 1300 turistë vendas e të huaj në tetor

Gjirokastra, qytet i bukur arkitekturor në Shqipërinë jugore

Gjirokastra është destinacion turistik gjithëvjetor. Ka mbi 15 vjet në sitet e trashëgimisë kulturore të UNESCO-s shquhet si qytet muzeal, i veçantë në arkitekturën e tij, i cili tërheq gjithnjë e më tepër vizitorë të huaj, shkruan albinfo.ch.

Gjirokastra, qytet në Shqipërinë jugore, është në Listën e Trashëgimisë Botërore të UNESCO-s që nga viti 2005, si një nga pak shembujt e mbijetuar në Ballkan të qyteteve tregtare të stilit otoman, shkruan albinfo.ch.

Vitet e fundit, Gjirokastra është kthyer në qytetin e preferuar të turistëve vendas e të huaj. E veçanta e këtij vendi është se cilësohet si qytet i gurtë dhe gjithnjë e më shumë po renditet si një nga qytetet elitare të turizmit shqiptar, duke thithur një numër gjithnjë në rritje të turistëve, pavarësisht pandemisë.

Së fundmi, sipas statistikave, vetëm në muajin tetor në Muzeun Etnografik, atë të Luftës së Ftohtë, Muzeu i Armëve dhe “Shtëpia Kadare” u vizituan nga 1300 turistë vendas e të huaj, me gjithë vështirësitë e krijuara nga pandemia. /Albinfo.ch

 

---