Gjyqtarët në Shqipëri kërkojnë kthimin e pasaportave diplomatike

Shoqata Kombëtare e Gjyqtarëve në Shqipëri ka paditur Qeverinë e Shqipërisë. Ata kanë kërkuar vendimin e Ministrisë së Jashtme për kthimin e pasaportave diplomatike. Shoqata Kombëtare e Gjyqtarëve të Shqipërisë konstaton si cenim të statusit të gjyqtarit heqjen e pasaportës së shërbimit, transmeton albinfo.ch.
Për dorëzimin e padisë në Gjykatën Administrative të Apelit e njoftoi gjyqtari i Fierit, Florian Kalaja.
“Sot, me datë 11.07.2019, dorëzuam në Gjykatën Administrative të Apelit padinë kundër Këshillit të Ministrave, me objekt shfuqizimin e Vendimit nr. 389/2019, për pjesën që anulon pasaportat e shërbimit të gjyqtarëve të shkallës së parë dhe të apelit dhe për pjesën që heq të drejtën e tyre të pajisen me pasaporta shërbimi”, ka thënë Kalaja.