Gjysma e punëtorëve të Zvicrës janë gati të ndryshojnë vendin e punës

nsplash - krakenimages @krakenimages

Pesëdhjetë për qind e punëtorëve zviceranë janë të hapur ndaj përvojave të reja profesionale ose tashmë janë në kërkim aktiv për një punë të re, sipas një sondazhi të ri nga firma konsulente Randstad, transmeton albinfo.ch.

Megjithatë, dëshira për paga më të larta është vetëm një nga arsyet për një ndryshim pune.

“Pandemia ka shtyrë 52 për qind të punonjësve zviceranë të rimendojnë ekuilibrin midis jetës private dhe asaj profesionale”, zbuloi sondazhi.

“Pritjet e individëve për qëllimet e tyre personale dhe të punës kanë ndryshuar përgjithmonë. Njerëzit janë shumë më të vetëdijshëm për dëshirat dhe nevojat e tyre dhe gjithashtu janë të gatshëm të bëjnë ndryshime për të balancuar aspekte të ndryshme të jetës së tyre”. /Albinfo.ch