Gjysma e zviceranëve, pro përdorimit të fishekzjarreve, si pjesë e festimeve të Ditës kombëtare

(KEYSTONE/Patrick Straub)

Sipas një sondazhi, gjysma e zviceranëve i konsiderojnë fishekzjarrët si një pjesë të rëndësishme të festës kombëtare të 1 gushtit. Megjithatë, shumica janë kundër ndezjes së fishekzjarreve nga individë privatë dhe jo në ngjarje publike.

Fishekzjarret janë veçanërisht të njohura në pjesën frëngjishtfolëse të Zvicrës, sipas një sondazhi të publikuar të enjten nga Instituti Yougov. Atje, 70% e të anketuarve ishin në favor të fishekzjarreve më 1 gusht. Në kantonin jugor Ticino, 59% ishin pro dhe në Zvicrën gjermanishtfolëse 43%, përcjell albinfo.ch.

Një në pesë njerëz planifikojnë të nisin raketa ose fishekzjarre më 1 gusht të javës së ardhshme. Sa më të rinj të jenë të anketuarit, aq më e lartë është mbështetja e tyre për shfaqjet private të fishekzjarreve, raporton swissinfo.

Për shumë njerëz, fishekzjarret e nisura nga komuniteti ose organizatorët publikë janë pjesë e traditës, krijojnë një eksperiencë të përbashkët me familjen dhe miqtë dhe krijojnë një atmosferë festive.

Sipas sondazhit të kryer në fillim të korrikut, ata që nuk i miratojnë fishekzjarrët, e bëjnë këtë kryesisht për shkak të ndotjes, ndikimit te kafshët dhe rrezikut të lëndimit.