Gjysmë milioni automjete elektrike “Tesla” u shitën në vitin 2020

Në njoftimin zyrtar të kompanisë së automobilave dhe energjisë elektrike “Tesla” thuhet se në vitin 2020 ajo dorëzoi më shumë automjete sesa pritej për shkak të kërkesës në rritje për automjete elektrike në gjithë botën, përcjell albinfo.ch.

Referuar statistikave, kompania ka shitur 499.550 automjete në vitin 2020, e cila është mbi vlerësimin e Wall Street për 481.261 automjete, sipas të dhënave nga Refinitive, një kompani që monitoron tregjet financiare dhe infrastrukturën, raporton Reuters.

Dorëzimi vjetor është vetëm pak më pak se qëllimi i planifikuar i drejtorit Elon Musk, i cili paralajmëroi gjysmë milioni automjete.