Godet këmbësoren në “zebër”, i merret patentshoferi kosovarit

Shkaktarit të aksidentit, një kosovar i moshës 55 vjeçare i është marrë patentshoferi në vend të ngjarjes. Po ashtu ndaj tij do të ushtrohet edhe kallëzim penal në prokurorinë kompetente

Një zvicerane 23 vjeçare është goditur në orët e hershme të mëngjesit të sotëm  në Lenzburg të kantonit Aargau nga një veturë me ç`rast është hedhur për tokë, shkruan soaktuell.ch. Ajo ka qenë duke ecur në shiritin për këmbësorë (në”zebra”). Me lëndime të rënda por pa rrezik për jetë ajo është transportuar në spital.

Shkaktarit të aksidentit, një kosovar i moshës 55 vjeçare i është marrë patentshoferi në vend të ngjarjes, transmeton albinfo.ch. Po ashtu ndaj tij do të ushtrohet edhe kallëzim penal në prokurorinë kompetente.

Policia që ka shkuar në vendin e ngjarjes ka konstatuar se shoferi i një makine Hyundai nuk e ka parë me kohë këmbësoren. Ai e ka ndalë makinën kur ka arritur ta shohë por ka qenë vonë për gjithçka.