Google Maps ‘ndihmon’ shoferët zviceranë të kursejnë karburant

pixbay

Zakonisht, Google Maps përdoret për të gjetur rrugën më të shpejtë drejt një destinacioni, por në këto kohë të mungesës së energjisë, aplikacioni po përditësohet në përputhje me rrethanat, përcjell albinfo.ch.

Google Switzerland është vendosur të lansojë një sistem të ri navigimi që kursen karburant, duke u treguar shoferëve rrugët që konsumojnë më pak energji, domethënë ato që u lejojnë atyre të djegin sa më pak karburant.

Sistemi funksionon duke ndihmuar drejtuesit e mjeteve të shmangin bllokimet e trafikut dhe pengesat e tjera që konsumojnë kohë (dhe karburant) të dalluara gjatë rrugës për në destinacionin e tyre. /Albinfo.ch