Granit Xhaka kërkohet në Spanjë

Pas paraqitjeve të mira në edicionin e fundit Granit Xhaka po kërkohet edhe në Spanjë

Pavarësisht disa kritikave, Granit Xhaka ishte titullar tek Arsenali në edicionin e fundit.

Ai tashmë është edhe kapiten te Zvicra, derisa po kërkohet nga disa skuadra evropiane, përcjell albinfo.ch.

Më herët u fol se Interi po e kërkon mesfushorin shqiptar, por më pas Xhaka deklaroi se nuk ka të vërtetë rreth transferimit të tij në skuadrën italiane.

Mediat ndërkombëtare raportojnë se tani në garë për Xhakën ka hyrë edhe Atletico Madrid.

Xhaka shihet si një zëvendësues ideal për Rodrigo Hernandes, i cili pritet të kalojë në Manchester City.

Simeone e pëlqen lojën e futbollistët shqiptar dhe për këtë arsye e dëshiron në Madrid.

Xhaka sezonin e fundit ka luajtur 40 ndeshje dhe ka shënuar 4 gola. Vlera e kartonit të lojtarit me origjinë shqiptare është rreth 45 milionë euro.

---