Greqi, shqiptarit i përmbyset traktori, humb jetën djali i tij 4 vjeçar

Babai shqiptar i 4-vjeçarit që humbi jetën po drejtonte traktorin në momentin që ndodhi ngjarja e rëndë

Një ngjarje jo e zakontë ka ndodhur në Eglouvi të Lefkadës, Greqi, përcjell albinfo.ch.

Referuar mediave greke thuhet se nga përmbysja e një traktori, 4-vjeçari shqiptar ka vdekur dhe një 16-vjeçar është plagosur.

Babai shqiptar i 4-vjeçarit që humbi jetën po drejtonte traktorin në momentin që ndodhi ngjarja e rëndë.

Sipas mediave në Greqi, dy fëmijët ishin në traktor bashkë me 30-vjeçarin shqiptar në momentin kur traktori është përmbysur në rrugën e vështirë malore për në Agios Donatos. Dy autoambulanca nxituan për të marrë të plagosurin por fatkeqësisht djali i vogël nuk ia doli.

30-vjeçari shqiptar i cili është banues i përhershëm në Karya është xhaxhai i 16-vjeçarit të plagosur. Aktualisht shqiptari ndodhet në polici ku po jep deklaratën e tij në lidhje me aksidentin tragjik që i mori jetën djalit të tij.

---