Greqia përballet me të nxehtin rekord

Foto nga arkiva: Keystone, EPA/OSCAR CORRAL

Në Greqi temperaturat pritet të rriten mbi 40 Celsius në dy javët e ardhshme, në kohën kur bota po përballet me nxehtësi ekstreme.

Vala e të nxehtit në Greqi do të bëhet më e gjata në historinë e regjistruar të vendit, shkruan DW.

“Sipas të dhënave, ndoshta do të kalojmë 16-17 ditë të një vale të nxehti, e cila nuk ka ndodhur kurrë më parë në vendin tonë”, tha për televizionin ERT Kostas Lagouvardos, drejtor i kërkimeve në Observatorin Kombëtar, përcjell albinfo.ch.

“Kjo fundjavë rrezikon të jetë më e nxehta e regjistruar në korrik në 50 vitet e fundit”, tha Panagiotis Giannopoulos, meteorolog në transmetuesin shtetëror ERT, shkruan DW.

Athina do të ketë temperatura mbi 40 Celsius për gjashtë deri në shtatë ditë, deri në fund të korrikut.

Autoritetet kanë paralajmëruar njerëzit të evitojnë ekspozimin në diell dhe të qëndrojnë të hidratuar.

Ndërkohë, zjarrfikësit po luftojnë me dhjetëra zjarre që digjen në gjithë Greqinë. Të premten u raportuar se se 52 zjarre të reja po digjen, ndërsa ekipet po zgjidhin gjithsej 79 zjarre, përcjell albinfo.ch.