90-vjeçarja, personi i parë që merr vaksinën në Zvicër

Keystone

Një e moshuar nga Lucerni i Zvicrës u bë gruaja e parë zvicerane që mori vaksinën, transmeton albinfo.ch.

Vaksinimi i parë i koronës në kontinentin e Evropës u zhvillua këtë mëngjes në qytetin Lucern, siç njoftoi qeveria e Lucernit.

Një banore 90-vjeçare në një shtëpi të të moshuarve ishte e para që zgjati krahun për vaksinim.

Kjo u konfirmua nga drejtori shëndetësor i Lucernit, Guido Graf (CVP). Afro 500 doza vaksinash kanë mbërritur në kantonin e Lucernit.

Doktori i kantonit më pas zgjodhi një shtëpi pensioni. Ekipet lëvizëse të vaksinimit kanë vizituar shtëpitë e pensionit dhe pleqve në Lucern, por edhe Zug dhe Schwyz, për të vaksinuar për herë të parë që nga mëngjesi. Grupet e moshuar dhe me rrezik të lartë kanë përparësi.

Në varësi të disponueshmërisë së vaksinës, punonjësit e shtëpive do të vaksinohen në të njëjtën kohë. Në Lucern ekipet grumbullohen nga “baza e vaksinimit në shtëpi” në Qendrën e Ekspozitës së Lucernit. /Albinfo.ch