Hadërgjonaj do të luajë për Kosovën ndaj Malit të Zi e Bullgarisë

Federata e Futbollit të Kosovës pasi mori lajmin e mirë se futbollisti i spikatur, Florent Hadërgjonaj, që luan me Huddersfield Town në Premier Leauge ka zgjedhur Kosovën para Zvicrës, ka dhënë edhe një njoftim të rëndësishëm, transmeton albinfo.ch.

FFK-ja njofton mbrojtësi 24-vjeçar do të jetë i gatshëm menjëherë për ndeshjet e ardhshme kualifikuese që Kosova zhvillon me Malin e Zi m dhe Bullgarinë më 7 dhe 10 qershor.

“Lojtari është në dispozicion të përzgjedhësit Bernard Challandes dhe pa dyshim do të jetë një armë shumë e fortë në repartin e mbrojtjes për ndeshjet e ardhshme të ciklit kualifikues për Euro 2020″, njofton FFK-ja.

Florent Hadërgjonaj në këtë edicion të Ligës Premiere ka luajtur në 24 ndeshje me Huddersfieldin, 19 prej të cilave ka qenë titullar, derisa në fushën e gjelbër i ka kaluar 1840 minuta.