Haradinaj: Diaspora, vlerë e pakontestueshme

Kryeministri i Kosovës, Ramush Haradinaj, i cili po qëndron në Londër, ku do të marrë pjesë në Samitin e BE-së me vendet e Ballkanit në Ambasadën e Kosovës në Londër, ka takuar bashkatdhetarët nga Kosova dhe Shqipëria, për të cilët ka thënë se vazhdojnë të mbeten shtyllë e fortë ekonomike dhe pasqyrë e vlerave historike, kulturore e artistike në botë.

“Si kryeministër i vendit, do të vazhdoj të punoj për ambient të përshtatshëm për investime direkte të huaja, me theks për investime nga diaspora jonë që janë vlerë e pakontestueshme jona, vlerë që tregimin për Kosovën e kanë ndërtuar dhe vazhdojnë ta mbrojnë e ta pasurojnë në mënyrën më të mirë”, ka thënë Haradinaj, përcjell albinfo.ch.