Haradinaj, kundër ndalimit të punimeve në rrugën Deçan-Plavë

Kryeministri i Kosovës, Ramush Haradinaj ka reaguar lidhur me ndërprerjen e punimeve në rrugën Deçan – Plavë pas kundërshtimit të Kishës Ortodokse Serbe.

Haradinaj ka ftuar diplomatët që të shkojnë në vendin e ngjarjes për t’u bindur se rruga që po rinovohet ka ekzistuar edhe më parë, përcjell albinfo.ch.

“Ekziston një keqinformim rreth punimeve në njërën nga rrugët e Deçanit. Ftoj diplomatët që të shkojnë në vend të ngjarjes, të shohin situatën dhe të binden se rruga që po renovohet ka ekzistuar edhe më parë, për t’iu shmangur kështu deklarimeve të ngutshme. Populli i Kosovës gjithmonë ka jetuar në harmoni me komunitetet pakicë, duke respektuar trashëgiminë religjioze dhe kulturore të të gjithëve pa dallim. Qeveria e Kosovës e ka për obligim riparimin dhe menaxhimin e rrugëve në tërë territorin e Kosovës”, ka shkruar kryeministri.