Haradinaj, mërgimtarëve: Jemi me fat që s’hoqët dorë asnjëherë nga atdheu

"Kosova asnjëherë nuk i ka harruar mërgimtarët"

Kryeministri në dorëheqje, Ramush Haradinaj, ka organizuar pritje për bashkatdhetarët që jetojnë në diasporë.

Haradinaj ka thënë se bashkëatdhetarët jo gjithmonë e marrin respektin që e meritojnë.

“Jo çdo herë u respektojmë. Pastaj, në kufij u presim me dënimin me kartonin që nuk është hequr. Ne jemi me fat që diaspora nuk ka hequr dorë asnjëherë nga atdheu, pavarësisht sfidave tuaja”.

Madje, ai ka deklaruar se Kosova nuk i ka kryer punët e saj pasi nuk është akoma anëtare në OKB dhe NATO, njoftojnë mediat atje, përcjellë albinfo.ch

Kryeministri në dorëheqje u ka thënë mërgimtarëve se Kosova nuk i ka harruar asnjëherë.

“Edhe unë jam i gëzuar që të paktën të bashkohemi ndonjëherë. Ju falënderojmë nga zemra që keni ardhur në Kosovë. Ndoshta ndonjëherë duket që ju kemi harruar, por nuk ju kemi harruar sepse jeni familja dhe gjaku jonë”.

---