Hedhen poshtë akuzat për trafikim organesh në rastin “Medicus”

EULEX: Gjykatësi i procedurës paraprake e nxori vendimin lidhur me rastin e ashtuquajtur “Medicus”.

Prokuroria Speciale e Kosovës, e përbërë nga prokurorë të Kosovës dhe EULEX-it, i ka hedhur poshtë akuzat për trafikim të organeve njerëzore dhe krim të organizuar në lidhje me rastin e klinikës “Medicus” në Prishtinë, ndërkaq aktakuza i është kthyer pjesërisht prokurorit ashtu që ai t’i specifikojë disa hollësi faktike lidhur me dy të pandehur, si dhe lidhur me një akuzë shtesë për ushtrim të paligjshëm të veprimtarisë mjekësore.

” Konfirmohet aktakuza kundër Lufti Dervishi, Driton Jilta, Sokol Hajdini dhe Ilir Rrecaj lidhur me akuzat për ushtrim të paligjshëm të veprimtarisë mjekësore dhe keqpërdorim të pozitës ose detyrës zyrtare.

Nga aktakuza hidhen poshtë akuzat për trafikim të personave dhe krim të organizuar”, thuhet në komunikatë.

Po ashtu Prokuroria Speciale ka bërë të ditur se do të parashtrojë ankesë kundër këtij vendimi për pikat e aktakuzës që nuk janë konfirmuar.