Hedhja e mbeturinave në Basel do të bëhet më e shtrenjtë nga viti 2026

Basel rrit tarifat për menaxhimin e mbeturinave nga janari 2026

Qeveria kantonale e Basel-City ka miratuar një rishikim të plotë të rregullores për menaxhimin e mbeturinave, me qëllim mbulimin e deficitit ekzistues në fondin e këtij sektori, përcjell albinfo.ch.

Si pjesë e ndryshimeve të reja, tarifat për hedhjen e mbeturinave do të rriten, përfshirë çmimet e qeseve të detyrueshme të plehrave.

Duke filluar nga 1 janari 2026, çmimi i qeses 35-litërshe “Bebbi” do të rritet nga 2.30 franga në 2.70 franga, ndërsa stikeri për mbeturina të mëdha (bulky waste) do të kushtojë 5 franga, nga 4.50 franga aktuale. Po ashtu, stikeri për mbeturinat organike (green waste) do të rritet nga 3 franga në 4.15 franga.

Autoritetet kantonale kanë njoftuar se tarifat do të rishikohen të paktën çdo tre vjet dhe do të përshtaten sipas nevojës, për të siguruar që sistemi i menaxhimit të mbeturinave të mbetet financiarisht i qëndrueshëm.

---