Hendbollistja e parë kosovare nga Gjilani shpallet sportisja më e mirë e kohës

Ajo që theu tabut e shoqërisë shqiptare, ishte hendbollistja e cila konsiderohet si femra e parë kosovare, Kadrije Sllamniku Basha, përcjell albinfo.ch.

Ajo ishte nga Gjilani dhe qysh në moshën 13 vjeçare filloi të merrej me hendboll, duke krijuar një lidhje të fortë shpirtërore me këtë lloj të sportit.

Kadrija qysh para gjysmë shekulli theu tabutë, kur pothuajse gjithçka ishte e ndaluar për vajzat dhe gratë në atë kohë, shkruan kultplus.

Krahas shkollimit, vazhdimin e saj me sport e mbështeti edhe babai i saj Shaipi dhe familja Sllamniku, gjë që i dhanë një shtysë të fuqishme hendbollistes së parë kosovare.

Duhet theksuar se përkushtimi i saj i madh me hendbollin, e bëri që në vitin 1964 të shpallet “sportisja më e mirë femër” në Kosovë.

Së fundi ajo është nderuar edhe nga Federata e Sporteve si hendbollistja kosovare më e mira e kohës.

Kadrija është martuar me Naim Bashën, profesor dhe atdhetar i çështjes kombëtare, me të cilin kanë 6 fëmijë.