Hiqet “Roaming”-u në vendet e Ballkanit

Vendet e Ballkanit, duke përfshirë Shqipërinë, Maqedoninë, Serbinë, Kroacinë dhe Bullgarinë, kanë rënë dakord që të heqin tarifat e Roaming-ut.

Në këtë marrëveshje janë përfshirë edhe Kosova dhe Bosnjë e Hercegovina. Iniciativa ka filluar si përgjigje e uljes së çmimeve “Roaming” në vendet anëtare të Bashkimit Evropian. BE-ja ka premtuar se deri në fund të vitit 2015 do të heqë tërësisht këtë shërbim të shtrenjtë të telefonisë mobile.

Iniciativa për të ulur çmimet Roaming mes shteteve të Ballkanit, të propozuara nga Agjencia për Komunikime Elektronike (AEC) është diskutuar në takimin rajonal të rregullatorëve të shteteve të rajonit, e cila filloi të enjten në Shkup.

Me uljen e çmimeve Roaming ose heqjen plotësisht të këtij shërbimi, të gjithë qytetarët në vendet e Ballkanit do të kthehen lirshëm nga jashtë vendi pa paguar fatura të larta të shërbimeve telefonike dhe internetit. Sipas Bashkimit Evropian, është një faktor i rëndësishëm për zhvillimin e industrisë së IT-së në rajon.

Siç raportojnë mediat në Shkup, vendet e Ballkanit kanë dorëzuar një kërkesë në BE që të përfshihen në agjendën dixhitale për të hequr shërbimin Roaming në mesin e tyre, edhe pse nuk janë anëtare të Bashkimit Evropian.

Marrëveshjet do të duhet të ratifikohet në parlamentet evropiane dhe çmimet Roaming pritet të zvogëlohen nga 1 janari 2015.