Hong Kong: Shkon në 83 i të vdekurve nga zjarri masiv, 250 ende të zhdukur

Foto nga arkivi: Keystone (AP Photo/Ethan Swope)

Në 83 ka shkuar numri i të vdekurve në Hong Kong, si pasojë e zjarrit që ka shpërthyer në një ndërtesë.

Shërbimi i zjarrfikësve ka njoftuar se të paktën 250 të tjerë janë ende të zhdukur dhe 75 kanë pësuar lëndime, raporton TheGuardian, transmeton albinfo.ch.

Policia ka njoftuar se dyshon që skelat nga materiali i djegshëm dhe materialet me shkupë që ishin përdorur gjatë punës së mirëmbajtjes mund të kenë qenë shkaktare të përhapjes së shpejtë të zjarrit më vdekjeprurës në qytet në disa dekada.

Autoritetet morën shpejt masa një ditë pas zjarrit dhe i arrestuan shefat e një kompanie ndërtimi që ishte kontraktuar për ta kryer mirëmbajtjen e ndërtesave teksa u bë e ditur se janë arrestuar dy drejtorë dhe një konsulent inxhinieringu për vrasje pa dashje.