Hungaria konfirmon se Gruevski kërkoi azil

Pak orë pasi Ish- Kryeministri i Maqedonisë, Nikola Gruevski kishte lajmëruar se gjendet në Hungari, kjo e fundit ka pranuar një gjë të tillë.

Ish- Kryeministri maqedonas, Gruevski prej ditësh po i ik dënimit prej 2 viteve në lidhje me keqpërdorimin zyrtar gjatë kohës sa ishte në pozitën e kryeministrit.

Ai është dënuar për blerjen e një makine tipi i të cilit është Mercedes dhe vlera e të cilit është 600 mijë euro.

Gruevski mbrëmjen e kaluar ishte shpallur në kërkim, ndërsa gjatë ditës së sotme ka lajmëruar se gjendet në Hungari, ku dhe do të kërkoj azil politik për shkak të kërcënimeve që ka marrë gjatë ditëve të fundit.

Ministria e Jashtme e Maqedonisë ka njoftuar se sot ka biseduar me ambasadorin hungarez Llaslo Duks ku në takim me sekretarin shtetëror Viktor Dimovski edhe ka konfirmuar informatën e dhënë nga Nikola Gruevski në rrjetin social Facebook.