Inflacioni në nivelin më të lartë që nga viti 1981 në Austri

@pixabay

Inflacioni i çmimeve të konsumit në Austri gjatë marsit u rrit në nivelin e tij më të lartë që nga nëntori 1981, i nxitur nga çmimet e karburanteve dhe energjisë elektrike, treguan sot vlerësimet paraprake nga Statistics Austria, përcjell albinfo.ch.

Çmimet e konsumit u rritën me 6,8% në mars, pas një rritjeje prej 5,9% në shkurt.

“Rritjet e fundit në çmimet e karburanteve dhe energjisë po vazhdojnë të nxisin inflacionin”, tha Tobias Thomas, drejtor i përgjithshëm në Statistics Austria.

Masa e BE-së e indeksit të harmonizuar të çmimeve të konsumit u rrit me 6,7% në mars, pas një rritjeje prej 5,5% në shkurt.

Në baza mujore, çmimet e konsumit u rritën me 2,0% në muajin mars, pas rritjes prej 1,3% në muajin e kaluar.