Investitorët e huaj nuk i mbajnë në Maqedoni paratë e fituara

Investitorët e huaj në Maqedoni tërheqin dhe transferojnë paratë e fituara në llogaritë bankare drejt vendeve amë.

Gjatë nëntë muajve të fundit janë transferuar jashtë vendit rreth 100 milion euro nga fitimi që kompanitë e huaja kanë realizuar në Maqedoni, raporton Ina.

Ekspertët për çështje ekonomike kanë theksuar se këto situata të krijuara janë shqetësuese, për shkak se profiti i realizuar nuk investohet në vend dhe nuk zgjerohen bizneset për shtimin e punësimeve të reja.

Ky trend që investitorët e huaj i tërheqin paratë e tyre vazhdon që para 10 viteve , ashtu që paratë transferohen drejt selive të tyre.

Sipas ekspertëve shteti nuk ka asnjë efekt financiar nga investitorët e huaj, për shkak se, investitorët dhe bizneset e huaja në vend i kthejnë fitimet e tyre në kompanitë amë.