Inxhinierët shqiptarë dhe ekspertët izraelitë, në terren për inspektim

Mbetet ndërkohë aktual debati nëse shkalla e shkatërrimit është prej tërmetit apo cilësisë së ndërtimeve

Tashmë që lëkundjet sizmike janë minimizuar, është koha e ekspertëve për të përcaktuar shkaqet e dëmtimit, apo edhe shembjes totale të banesave në Durrës.

Top Channel iu bashkua një grupi inspektimi të inxhinierëve shqiptarë dhe izraelitë në disa pallate që janë konsideruar të pabanueshëm, por disa të tjerë, pavarësisht dëmtimit, marrin OK për konstruksionin.

Mbetet ndërkohë aktual debati nëse shkalla e shkatërrimit është prej tërmetit apo cilësisë së ndërtimeve, përcjell albinfo.ch.

Ndërsa grupet mikse të inxhinierëve shqiptarë dhe të huaj vazhdojnë inspektimet e godinave, dhjetëra banorë të Durrësit mbeten ende me sytë drejt pallateve të dëmtuar, me dilemën nëse mund të hyjnë në shtëpitë e tyre apo jo.

---