Italia, e boshatisur gjatë festave

Policia italiane po kontrollon nëse qytetarët po i respektojnë kufizimet.

Qeveria italiane u ka kërkuar qytetarëve të qëndrojnë në shtëpi nga dita e enjte deri të dielën. E po ashtu të mos dalin më 31 dhjetor  deri më 6 janar 2021. Lejohet të lëvizin vetëm ata që janë të pajisur me certifikata pune, punonjësit e shëndetit dhe për të blerë ushqimet e nevojshme. Duke qenë se njerëzit kanë traditë të bashkohen me familjen në festat e fundvitit, qeveria ka lehtësuar kufizimet në një masë të vogël, duke lejuar një vizitë familjare në ditë, shkruan Euronews, përcjell Albinfo.ch.

Italia vijon të raportojë shifra të larta me COVID 19. Një ditë më parë u regjistruan në vetëm 24 orë 18,040 infeksione të reja, në total që nga nisja e pandemisë në shtetin fqinj ka rreth 2 milionë të prekur me sars cov 2.

---