Futboll

Italia spektakolare, mposht bindshëm Zvicrën

Dy gola i ka shënuar Manuel Locatelli, kurse një Ciro Immobile

E mërkurë, 16 Qershor 2021 - 22:52 albinfo.ch
Keystone

Italia ka shënuar fitore të pastër ndaj Zvicrës, 3:0.

Golin e parë e ka shënuar Manuel Locatelli në minutën e 26-të, shkruan albinfo.ch.

Ai shënoi pas një asistimi perfekt nga Berardi, shok skuadre në Sassuolo. Azzurrët shënuan edhe në minutën e 19-të, por goli i Chiellinit u anulua, pasi preku me dorë.

Golin e dytë e realizoi sërish mesfushori Locatelli, në minutën e 50-të. Ai shënoi me një gjuajtje të saktë pas asistimit nga Barella.

Golin e tretë dhe e vulosi fitoren Immobile, me një gol të bukur në minutën e 89-të.

Granit Xhaka dhe Xherdan Shaqiri e nisën ndeshjen nga fillimi. Xhaka luajti 90 minuta, kurse Shaqiri 77.

Italia kishte mundur edhe Turqinë 3:0, kurse Zvicra kishte barazuar ndaj Uellsit 1:1. Në ndeshjet e ardhshme takohen Zvicër-Turqi dhe Uellsi-Italia. Italia u kualifikua tutje me 6 pike.

 Të tjera nga Futboll

Federata zvicerane tërheq mbështetjen për Infantinon për president të FIFA-s

 E-Diaspora

 Jeta në Gjermani