Italia urdhëron baret e restorantet të mbyllen herët

Keystone EPA/MAURIZIO BRAMBATTI BT

Italia të dielën urdhëroi baret dhe restorantet të mbyllen në orën 6 pasdite, po ashtu u mbyllen palestrat, kinematë dhe pishinat publike në përpjekje për të ndaluar rritjen e koronavirusit.

Kryeministri Giuseppe Conte tha se masat kishin për qëllim mbrojtjen e shëndetit publik dhe ekonomisë.

“Ne mendojmë se do të vuajmë pak këtë muaj por duke shtrënguar dhëmbët me këto kufizime, do të jemi në gjendje të marrim frymë përsëri në dhjetor,” tha ai në një konferencë shtypi.

Italia, dikur vendi i goditur më së shumti nga pandemia në botën e industrializuar, është kapërcyer nga të tjerët në Evropë, përfshirë Spanjën, Francën dhe Britaninë, por nivelet e infeksioneve janë duke u rikthyer shpejt dhe shërbimet shëndetësore janë nën presion në rritje, shkruan “Reuters”, përcjell albinfo.ch