Autoritetet izraelite kanë ndaluar anëtarët e ekuipazhit të disa shtetësive të punojnë në fluturimet drejt Tel Avivit, edhe nëse ata posedojnë pasaportë zvicerane.
Masa prek një numër të vogël pilotësh dhe anëtarësh të personelit të kabinës së kompanisë ajrore Swiss International Air Lines. Sipas kompanisë, rregullat e reja përfshijnë shtetasit e 29 vendeve.
Swiss ka konfirmuar se punonjësit e prekur janë caktuar në fluturime të tjera, për të shmangur mungesat në staf. Kompania operon aktualisht dy fluturime në ditë drejt Tel Avivit.
Masat izraelite vijnë pas një incidenti të rëndë në fund të shtatorit, kur, sipas raportimeve, një bashkëpilot i kompanisë Flydubai sulmoi kapitenin dhe tentoi ta rrëzonte avionin në aeroportin e Tel Avivit.
Ambasada e Izraelit në Bernë nuk ka pranuar të komentojë mbi masat e sigurisë.
