Ja sa fitojnë shefat e ndërmarrjeve publike të Zvicrës

Këshilli Federal ka siguruar opinionin se synon që deri në fund të vitit të iniciojë një “debat të themeltë” dhe të rishqyrtojë mundësitë e taksimit të këtyre pagave

KEYSTONE

Pagat dhe bonuset e shefave të ndërmarrjeve publike të Zvicrës kanë vazhduar të rriten edhe gjatë vitit që shkoi. Lidhur me këtë, Këshilli Federal ka siguruar opinionin se synon që deri në fund të vitit të iniciojë një “debat të themeltë” dhe të rishqyrtojë mundësitë e taksimit të këtyre pagave. Raporti mbi pagat e kuadrove të larta, i cili si zakonisht publikohet para pushimeve verore e tregon gjendjen e përmendur.

Ndërsa në një përgjigje që Këshilli Federal i ka dhënë shefit të Grupit Parlamentar të SP/PS-së, Roger Nordmann ka ritheksuar se debati i përmendur është duke u zhvilluar dhe ai synon drejt forcimit të kompetencës së federatës në lidhje me pagat e kuadrove të lartë. Në këtë kontekst janë përmendur shefat e postës, SBB/CFF, Skyguide, Ruag, Sifem dhe Identitas

Kështu shefi i RUAG ka një pagë fikse prej 460 mijë frangash por së bashku me komponentët variabile sipas rezultatit, ai ka fituar gjatë vitit 2015 plot 1 milion e 10.200 franga.

Shefja e postës ka pasur pagën fikse 610 mijë franga ndërsa së bashku me shtesat tjera ka arritur në 984 mijë franga. I treti vjen në radhë shefi i SBB-së i cili gjatë vitit 2015 ka fituar  929.600 franga.