Ja sa fluturime u realizuan në aeroportin e Prishtinës në dy vjetët e fundit

Foto: Aeroporti i Prishtinës

Aeroporti i Prishtinës “Adem Jashari” u bë qendër e përshëndetjeve dhe mirëseardhjeve për shumë qytetarë ndër vite. Që nga viti 2016 fluturimet e realizuara në këtë aeroport arrinin mbi 1 mijë në tre muaj, ndërsa gjatë tërë vitit numri tejkalonte mbi 6 mijë fluturime, shkruan Albinfo.ch, duke iu referuar raportit të Agjencisë së Statistikave të Kosovës.

Viti 2020, kur pandemia Covid-19 përfshiu botën, me rregullat e kufizimet për parandalimin e përhapjes së virusit, aeroportet realizuan më pak fluturime se kurrë më parë. Sipas statistikave nga ANP, ngjashëm ndodhi edhe në aeroportin e Prishtinës, i cili realizoi vetëm 9 mijë e 206 fluturime gjatë 12 muajve të vitit 2020, ndërsa gjatë tremujorit të dytë të të njëjtit vit, prill-maj-qershor 2020, u realizuan vetëm 398 fluturime, raporton Albinfo.ch.

Ky numër i fluturimeve të realizuara në ANP ishte përgjysmë më pak se viti paraprak, pasi në 2019 në “Adem Jashari” u realizuan 18 mijë e 226 fluturime, e nëse krahasojmë 3 mujorin e dytë të 2019 me 2020 del se në 2019 gjatë asaj kohe ishin realizuar mbi 4 mijë fluturime më shumë, shkruan Albinfo.ch.

Ndërkaq, një vit më pas, kur pandemia vazhdon të jetë aktive, masat e parandalimit ndryshuan dhe aeroportet po funksionojnë po thuasje njejtë me vitet e para pandemisë.
Në vitin 2021, sipas Zyrës për Informim të ANP, gjatë periudhës janar-gusht, në aeroportin e Prishtinës u realizuan gjithsej 11 mijë e 816 fluturime, ndërsa numri i pasagjerëve për këta muaj arriti mbi 1 milion e 445 mijë, shkruan Albinfo.ch.

Ndryshe, në aeroportin e Prishtinës gjatë muajit gusht 2021 janë realizuar gjithsej 3 mijë e 34 fluturime, ndërsa ishin mbi 380 mijë pasagjerë që e shfrytëzuan këtë aeroport për fluturimet e tyre./Albinfo.ch