Johnson thotë se pritet katastrofë bërthamore në Evropë

Kryeministri britanik Boris Johnson ka paralajmëruar për rrezikun e katastrofës bërthamore në Evropë pas bombardimeve ruse në centralin bërthamor ukrainas, duke shtuar se bota po “i kthen shpinën” presidentit rus Vladimir Putin.

Në një intervistë, Johnson përshkroi momentin kur u zgjua në mes të natës me lajmin e sulmit në cenralin bërthamor të Zaporizhias, duke shtuar se ato ishin “qartësisht një çështje e përbashkët evropiane që lidhet me shëndetit dhe sigurinë tonë”, transmeton Dpa, përcjell Albinfo.ch.

Johnson tha se duhet t’i bëhet e qartë Kremlinit se “një katastrofë bërthamore civile në Ukrainë, një tjetër Çernobil, është një fatkeqësi për Rusinë si dhe për këdo”.

Në një telefonatë me presidentin francez Emmanuel Macron të premten në mbrëmje, kryeministri Johnson e përshkroi krizën në Ukrainë si “lufta më e keqe në kontinentin tonë për një kohë të gjatë”.