Ka humbur jetën piloti ushtarak, gjendet kufoma e 27 vjeçarit

Sot trupat e angazhuara për kërkimin e tij, e kanë gjetur dhe identifikuar atë. Siç thonë në Departamentit Federal të Mbrojtjes, kufoma e gjetur i takon pa dyshim pilotit

Piloti që drejtonte aeroplanin ushtarak F/A-18, të rrëzuar të hënën në Sustenpass, Alpet e Zvicrës, ka humbur jetën. Aeroplani i rrëzuar është gjetur një ditë pas shpalljes të zhdukur të tij ndërsa piloti ende mungonte, gjegjësisht nuk dihej për fatin e tij. Por ndërkohë, sot trupat e angazhuara për kërkimin e tij, e kanë gjetur dhe identifikuar atë, shkruan sda.ch. Siç thonë në Departamentit Federal të Mbrojtjes, kufoma e gjetur i takon pa dyshim pilotit fatkeq.

Bëhet fjalë për  një pilot ushtarak profesionist 27 vjeçar të Mbrojtjes Ajrore të Forcave të Armatosura të Zvicrës.

Terreni në të cilin ka ndodhur fatkeqësia, është shumë i rrëpinjtë dhe i vështirë për të kaluar, për shkak të lartësisë, izolimit dhe akullit.

Pas nxjerrjes së pilotit nga vendi i aksidentit, gjatë ditëve të ardhshme pritet të nxirren edhe mbetjet nga aeroplani i rrëzuar në një zonë alpine me lartësi të madhe mbidetare, transmeton albinfo.ch. Deri në atë moment, vendi i fatkeqësisë do të mbahet i bllokuar ndërsa mbi atë zonë do të ketë ndalim të fluturimeve.

Njëkohësisht, autoritetet ndjekëse të Ushtrisë janë duke i zhvilluar hetimet mbi shkakun e rrëzimit të avionit.