Kallas: Sulmi me dronë në Leipzig ngjason me terrorizëm të sponsorizuar nga shteti

Foto FB: Kaja Kallas

Shefja e politikës së jashtme të Bashkimit Evropian, Kaja Kallas, ka deklaruar se tentativa për sulm me dronë në Leipzig të Gjermanisë mbart elemente që, sipas saj, lidhen me terrorizmin e sponsorizuar nga shteti.

Kallas i bëri këto komente të mërkurën, para takimit joformal të ministrave të jashtëm të vendeve evropiane në Irlandë.

Ajo theksoi se vendet evropiane duhet të bashkëpunojnë më ngushtë për të përcaktuar hapat e mëtejshëm, në një kohë kur sulmet ruse ndaj Ukrainës po intensifikohen.

Ajo bëri të ditur gjithashtu se po punohet për rreth 1,600 lista sanksionesh që lidhen me sektorin ushtarak të Rusisë, ndërsa paralajmëroi se numri i masave të reja mund të rritet.

Qeveria gjermane kishte deklaruar një ditë më herët se, bazuar në vlerësimet e saj, Rusia qëndronte pas tentativës për sulm me dronë në Leipzig, e cila kishte ndodhur gjatë muajit të kaluar./Albinfo.ch/