Kanadaja lindore bllokohet nga bora

Reshjet masive të dëborës paralizuan sot pjesën lindore të Kanadasë, duke detyruar mbylljen e dhjetëra institucioneve arsimore dhe anulimin e qindra fluturimeve nga Toronto drejt bregut të Atlantikut që kalon nga Montreali.

Flokët e dendur të dëborës kanë vijuar pa ndërprerje që prej së martës pasdite. Mbi 30 centimetra dëborë e freskët mbuloi rrugët e Montrealit paraditen e sotme, sipas shërbimeve të qytetit dhe meteorologjisë kombëtare, shkruan alsatm, përcjell albinfo.ch.

Deri të mërkurën në mbrëmje trashësia e dëborës pritet të arrijë mes vlerës 35 dhe 40 centimetra në metropolin e Kebekut, duke shënuar për momentin stuhinë më të fortë të këtij dimri.