Kandidatja për mis Zvicra, Dorina, e dashura e Taulant Xhakës

Në rast se bukuroshja 21 vjeçe do të fitojë titullin e misit, Xhaka dëshiron t`ia bëjë kërkesën për martesë, ende pa zbritur ajo nga skena

Dorina Podrimja nga Hagendorfi, kantoni Solothurn, është njëra ndër 18 kandidatet për kurorën e Mis Zvicrës. Por, Dorina ka edhe diçka që e dallon atë nga kandidatet tjera: i dashuri i saj është një futbollist i njohur i superligës së Zvicrës. Ai është hiç më pak se Taulant Xhaka, mbrojtësi në Grasschoppers të Cyrihut.

Në rast se bukuroshja 21 vjeçe do të fitojë titullin e misit, Xhaka dëshiron t`ia bëjë kërkesën për martesë, ende pa zbritur ajo nga skena.

Bruneta 21 vjeçare, e gjatë 1.74 m., me prejardhje nga Shqipëria, me flokët e saj tashmë është bërë imazh i një kompanie franceze të kozmetikës.

Taulant Xhaka dhe kandidatja për Mis Zvicra janë prej dy vitesh bashkë. Të dytë kanë rrënjë shqiptare dhe dell për romantizëm. Kështu, Taulanti e ka tetovar emrin e Dorinës në krahun e tij dhe po ashtu dhe numri i tabelave të makinës së tij shënon ditën e takimit të tyre të parë.