Shkelin rregullat e qëndrimit në Gjermani, raportohen 7 pasagjerë nga Kosova

Shkeljen më të rëndë e kishte bërë një çift i martuar që kishte tejkaluar qëndrimin e lejuar 90-ditor me më shumë se dy javë

Shtatë pasagjerë nga Kosova e kanë angazhuar policinë në Aeroportin e Memmingenit të dielën. Ata ishin me vonesë – dhe janë raportuar.

Policia kufitare në Aeroportin e Memmingenit dje (22 qershor 2025) ka zbuluar shtatë pasagjerë “me vonesë”, transmeton albinfo.ch. Të gjithë ata ishin nga Kosova që kishin qëndruar më shumë se dy javë në Gjermani.

Shkeljen më të rëndë e kishte bërë një çift i martuar që kishte tejkaluar qëndrimin e lejuar 90-ditor me më shumë se dy javë. Të dy kanë qëndruar në zonën Shengen 15 ditë më shumë se që e kishin të lejuar, thonë zyrtarët, shkruan allgaeuer-zeitung.de.

Një burrë tjetër (30) nga Kosova kishte qëndruar dy ditë më shumë, dhe një grua 50-vjeçare ishte “vonuar” me vetëm një ditë.

---