Kapen edhe 50 refugjatë kosovarë

Dy shoferët të dyshuar për trafikim me qenie njerëzore kanë rënë në kundërthënie gjatë marrjes në pyetje

Policia Federale e Rosenheim-it ka hasur gjatë vikendit  që shkoi në më shumë se 50 shtetas kosovarë pa dokumentacion të rregullt të qëndrimit në Gjermani. Gjashtë prej tyre policet i kanë kapur në një makinë. Ngasësi shqiptar i makinës ka rënë në kundërthënie me vetveten gjatë marrjes në pyetje dhe në fund ka refuzuar të japin deklaratë.

Ai do të përgjigjet para gjyqit për kontrabandë të të huajve.

Në një pikë tjetër të këtij regjioni, policia  ka gjetur në një veturë franceze në të cilën ndodheshin shtatë persona. Vetëm shoferi pati dokumente të rregullta, ndërsa pasagjerët e tij kosovarë nuk posedonin dokumentacion që do t`u mundësonte qëndrim në Gjermani.

Të shtatë personat janë dërguar në qendrën e shërbimit të Policisë Federale të Rosenheimit. Atje, shoferi i makinës, një shqiptar që jeton në një kamp azili në Francë ka deklaruar se gjashtë kosovarët i ka hasur rastësisht në Vjenë.

Por ai nuk ka mundur të sqarojë arsyen përse para kësaj kishte qëndruar në Budapest. Ka thënë se gjoja ka takuar atje të dashurën e tij.

Nga ana tjetër, shtetasit kosovarë 19 deri 52 vjeçarë kanë deklaruar se për transportin e tyre deri në Munih ata kishin paguar nga 150 euro për person. Por ata nuk kanë mundur të identifikojnë vendin në të cilin kanë hipur në makinë. Kësaj pyetjeje do të duhet t`i përgjigjet i dyshuari për kontrabandë me njerëz.

Prokurori e ka vendosur në burgun për hetime këtë peron jokooperativ dhe atë e pret akuza për trafikim të të huajve. Vetëm gjatë vikendit të kaluar policia la kapur më shumë se 50 kosovarë të hyrë ilegalisht në Gjermani, njofton Policia federale e Gjermanisë . Rreth gjysma e tyre kishin pasur fatkeqësinë që në etapën e fundit të rrugës të binin në duar të kontrabandistëve.