Katër nga pesë refugjatë jetojnë me ndihma sociale

Më së shumti të varur nga ndihma sociale ka refugjatë nga Eritrea. Ata përbëjnë më shumë se gjysmën e të gjithë refugjatëve të kësaj kategorie

Katër nga pesë njerëz në Zvicër që kanë statusin e refugjatit të pranuar (B) ose që së paku kanë fituar statusin e pranimit të përkohshëm (F) në vitet e para të qëndrimit këtu kanë qenë të varur nga ndihmat sociale.

Se është kështu, tregon publikimi më i ri i edituar nga Zyra Federale për Statistikë. Aty janë përpunuar të dhënat për vitin 2014, shkruan srf.ch.

Ky publikim po ashtu bën të ditur se numri absolut i refugjatëve që jetojnë nga ndihmat sociale është rritur në krahasim me vitin paraprak për 10 për qind, duke arritur në 14.900 sish.

Afërsisht një e treta e refugjatëve të mbështetur nga ndihmat sociale janë fëmijë dhe të rinj. Ndërsa nga të rritur it, 15 % janë me punë por paga e tyre nuk mjafto për jetesë.

Shikuar sipas përkatësisë nacionale, më së shumti të varur nga ndihma sociale ka refugjatë nga Eritrea. Ata përbëjnë më shumë se gjysmën e të gjithë refugjatëve të kësaj kategorie (B dhe F) të mbajtur nga shteti. Refugjatët nga Siria dhe nga Kina përbëjnë secilët nga 10 për qind. Ndërsa ata nga Sri lanka përbëjnë 5% të refugjatëve me mbështetje nga ndihmat sociale.