Këngëtari shqiptar po mahnit skenat muzikore të Turqisë

Jo vetëm këndon, por shkruan tekste dhe krijon muzikë.

Albin Hasani, kur ishte 10 vjeç, u largua nga Shqipëria. Për të filloi një jetë e re në Ankara, aty ku prindërit e tij vendosën të emigronin. Aktualisht jeton në Stamboll. Ai pohon se nuk e kishte të lehtë të bënte miq të rinj apo të përshtatej me mënyrën e jetesës atje. Sot, Albin Hasani është mjaft i njohur në Turqi, transmeton albinfo.ch.

E nisi karrierën e tij rreth 8 vite më parë, kur u bë pjesë e një grupi muzikor. Kjo eksperiencë e ndihmoi Albin jo vetëm në fushën muzikore, por edhe në aspektin shoqëror. Muzika e afroi me miqtë, njohu shokë të rinj, dhe e pati më të lehtë fillimin e shkollës së mesme.

Sot, ai është një nga artistët e rinj premtues në Turqi. Student në vitin e fundit për “Kinema-Radio-Televizion” ai jeton prej vitesh në Stamboll. Dy vitet e fundit kantautori nga Shqipëria është ngjitur ne top listat muzikore në Turqi.

Jo vetëm këndon, por shkruan tekste dhe krijon muzikë. Ka mbi 70 tëkste kengësh që presin të kryesojnë Top listat turke.

Së fundmi ai ka nxjerrë edhe albumin e tij të quajtur ’22’ dhe po punon shumë për albumin tjetër. Pas një eksperience 4 vjeçare me kompaninë Sony në Turqi, prej 2 vitesh ai është aktiv në treun muzkior dhe po kap majat e rrymës alternative në Turqi edhe si këngëtar solo. /Albinfo.ch.

---