Kërcënimet ndaj politikanëve zviceranë shpërthejnë në Facebook

Ilustrim

Ministrat e kabinetit dhe parlamentarët janë gjithnjë e më të ekspozuar ndaj kërcënimeve në mediat sociale.

Sidoqoftë, këto raste janë vetëm Maja e Ajsbergut, sipas një raporti të gazetës, në anën tjetër, presioni për rregullimin e mediave sociale po rritet, përcjell albinfo.ch.

Statistikat nga Policia Federale (Fedpol) tregojnë se numri i fyerjeve dhe kërcënimeve kundër politikanëve është rritur masivisht vitet e fundit.

Ndërsa, kishte vetëm pesë raste në vitin 2019, ato u dhjetëfishuan vitin e kaluar. Këtë vit këshilltarët dhe parlamentarët federalë raportuan 237 raste vetëm midis janarit dhe prillit – që janë rreth 700 për vitin në tërësi. Zëdhënësi i Fedpol0, Florian Näf, theksoi se shifrat duhet të merren me kujdes, sepse politikanët mund të jenë bërë më të vetëdijshëm për mesazhet e urrejtjes në Facebook, Instagram dhe Twitter dhe për këtë arsye kanë bërë më shumë raporte.

Sidoqoftë, “masa e mesazheve të urrejtjes ndaj politikanëve është rritur qartë vitet e fundit”, tha ai, duke shtuar se toni ishte bërë më agresiv. “Mediat sociale lejojnë që urrejtja të shumëfishohet”, përcjell tutje albinfo.ch.