Këto gjëra nuk duhet t’i bëni pas djegies nga dielli

Përdorimi i aloe vera-s.

Edhe pse aloe vera mund të të ndihmojë me reduktimin e skuqjes, duhet të tregoheni të kujdesshëm me llojin e aloe verës që vendosni në lëkurë. Dermatologët sugjerojnë ta hidratoni lëkurën duke përdorur aloe origjinale dhe të pakombinuar me asnjë produkt tjetër.

Mos vishni rroba të ngushta

Kur je e skuqur nga koka te këmbët, gjëja e fundit që duhet të bëni është të vishni rroba të ngushta. Duke veshur rroba të lirshme e lini lëkurën të marrë frymë lirisht. Rekomandohet materiali i pambukut.

Konsumi i kafes

Skuqja shpesh shkakton dhimbje koke dhe nëse mendoni që me një filxhan kafeje do t’ju pushojë, mendoni gabim. Jeni duke e bërë më keq. Do t’ju lindë nevoja për të shkuar në tualet më shpesh dhe rrjedhimisht do të dehidratoheni.

Mos e mbuloni me make up

Nuk është zgjidhje dhe më keq akoma, s’po lini lëkurën të marrë frymë! Shmangni sa të mundni produktet kozmetike dhe freskoni zonën e skuqur.

Scrub-i

Edhe pse një lëkurë e djegur nga dielli s’është e këndshme, mos u përpiqni ta hiqni përmes scrub-it. Mund ta dëmtoni duke e acaruar më shumë. Në vend të kësaj, lëreni të shërohet në mënyrë natyrale dhe zakonisht duhen deri në 10 ditë.