KFOR-i do të reagoj në mënyrë më të vendosur duke përdorur armët e nevojshme

Admirali i NATO në Napoli, Samuel Locklear, gjatë vizitës në Kosovë, e ka dënuar sulmin ndaj ushtarëve të KFOR-it nga grupet kriminale serbe në veri dhe bëri thirrje për zgjidhje politike të problemit atje.

“Opinioni im është se zgjidhje në veri mund të bëhet më së miri përmes dialogut politik. Ajo çfarë trupat e KFOR-it po mundohen të bëjnë është që të mbajnë situatën e qetë në mënyrë që të mundësohet dialogu politik”,ka theksuar admirali Samuel Locklear

Edhe komandanti i KFOR-it Erhard Drews, thorë se zgjidhja e problemit në veri duhet të bëhet përmes dialogut politik.

“ Nëse edhe një herë konfrontohemi me një shkallë të tillë të dhunës duke përdorrë armë kundër ajrore, bomba e madje edhe koktej molotov ndaj ushtarëve tanë, atëherë KFOR-i do të reagoj në mënyrë edhe më të vendosur duke përdorur armët e nevojshme për të parandaluar viktimat e radhës”, ka thënë Erhard Drews, Komandant i KFOR-it.

Admirali Samuel Locklear, ka thënë se roli i KFOR-it është që të mbështet EULEX-i që të ushtroj sundimin e ligjit në çdo pjesë të Kosovës.

Izolimi i popullatës me barikada duke privuar ata nga shpërbimet elementare publike, sipas tij nënkupton embargo ndaj tyre.

Gjatë sulmit janë plagosur 4 ushtarë të KFOR-it, nga bombat e dorës, përdorimi i koktej molotovit ka shkaktuar djegjen e disa ushtarëve të tjerë, ndërsa 5 ushtarë janë hospitalizuar në Prizren.